लक्षद्वीपमध्ये फिरायला जाण्याचा प्लॅन करताय?

 

लक्षद्वीपला जाण्यासाठी एंट्री परमिट कसे मिळवायचे? जाणून घ्या 'हे' नियम

Monika Lonkar –Kumbhar

3–4 minutes

---

Lakshadweep Tourism : लक्षद्वीप हा भारताचा अतिशय सुंदर, नयनरम्य आणि केंद्रशासित प्रदेश आहे. या प्रदेशाचे सौंदर्य देशी-विदेशी पर्यटकांना नेहमीच भुरळ घालते. त्यामुळे, लक्षद्वीपमध्ये पर्यटकांची नेहमीच गर्दी असते. मागील काही दिवसांपूर्वीच पंतप्रधान नरेंद्र मोदींनी लक्षद्वीपला भेट दिली होती.

मोदींनी या लक्षद्वीपला भेट दिल्यानंतर हे ठिकाण जास्तच चर्चेत आले. त्यानंतर, मालदीवमधील काही नेत्यांनी मोदींवर आक्षेपार्ह टिप्पणी केली. त्यामुळे, भारत आणि मालदीवमध्ये सध्या तणावपूर्ण संबंध निर्माण झाले आहेत.

मालदीवमध्ये जाणारे अनेक भारतीय पर्यटक त्यांचे बुकिंग कॅन्सल करत आहेत. अनेक क्षेत्रांमधील व्यक्तींनी मालदीवचा निषेध व्यक्त करून लक्षद्वीपला जाणार असल्याचे म्हणत आहेत. त्यामुळे, ३६ बेटांचा समावेश असलेले हे सुंदर लक्षद्वीप अचानक चर्चेत आले आहे. जर तुम्ही देखील लक्षद्वीपला जाण्याचा विचार करत असाल, तर तिथे जाण्यासाठी आवश्यक असलेल्या एंट्री परमिटबद्दल जाणून घेऊयात.

परमिटची आवश्यकता कुणाला आहे?

लक्षद्वीपमध्ये राहणारे मूळचे रहिवासी आणि तेथील ड्यूटीवर तैनात असलेल्या सरकारी अधिकाऱ्यांच्या व्यतिरिक्त इथे भेट देणाऱ्या प्रत्येक व्यक्तीला परमिट एंट्रीची आवश्यकता आहे. भारतीय पर्यटक आणि विदेशी पर्यटकांना देखील हा नियम लागू आहे.

लक्षद्वीपमधील कोणत्या बेटांवर फिरण्याची परवानगी आहे?

लक्षद्वीपमधील सर्वच बेटांवर पर्यटकांना जाण्याची परवानगी नाही. या बेटावरील एकूण ५ बेटांवर जाण्याची भारतीय पर्यटकांना परवानगी आहे. या ५ बेटांमध्ये कावारत्ती, बंगाराम, अगत्ती, कदमत आणि मिनिकॉय या बेटांचा समावेश आहे.

परमिट एंट्रीसाठी अर्ज कसा करायचा?

लक्षद्वीपमधील परमिट एंट्रीसाटी तुम्ही दोन प्रकारे अर्ज करू शकता. एक म्हणजे ऑनलाईन पद्धतीने आणि दुसरे म्हणजे ऑफलाईन पद्धतीने.

ऑनलाईन पद्धत

ऑनलाईन पद्धतीने अर्ज करण्यासाठी तुम्हाला ई-परमिट पोर्टलला (https://epermit.utl.gov.in/pages/signup) भेट द्यावी लागेल. या पोर्टलवर गेल्यानंतर तुम्हाला तुमचे अकाऊंट काढावे लागेल आणि आवश्यक कागदपत्रांसह फॉर्म भरावा लागेल. ही प्रक्रिया पार पडल्यानंतर तुम्हाला तुमच्या ट्रीपच्या १५ दिवस आधी ई-मेलद्वारे हे परमिट मिळेल.

ऑफलाईन पद्धत

ऑफलाईन पद्धतीने अर्ज करण्यासाठी तुम्हाला लक्षद्वीप प्रशासनाच्या अधिकृत वेबसाईटला भेट द्यावी लागेल. त्यानंतर, त्या वेबसाईटवरून अर्ज डाऊनलोड करून घ्यावा लागेल, किंवा कावरत्ती येथील जिल्हाधिकारी कार्यालयात जाऊन तो अर्ज घ्यावा लागेल.

त्यानंतर, हा अर्ज भरून तो जिल्हाधिकारी कार्यालयात जमा करावा लागणार आहे. ही प्रक्रिया जरा वेळखाऊ आहे, त्यामुळे, तुम्हाला परमिट मिळण्यास वेळ लागू शकतो.

कोणत्या कागदपत्रांची आवश्यकता आहे?

• तुमचा एक पासपोर्ट साईज फोटो

• तुमच्या एका वैध ओळखपत्राची झेरॉक्स (आधार कार्ड, मतदार ओळखपत्र, ड्रायव्हिंग लायसन्स इ.)

• प्रवासाचा पुरावा (फ्लाईट तिकीट)

• हॉटेल बुकिंगचा पुरावा (जर तुम्ही एखाद्या हॉटेलमध्ये राहणार असाल तर)

परमिट शुल्क आणि वैधता

एंट्री परमिट हे साधारणपणे ३० दिवसांसाठी वैध असते. परमिट शुल्क हे तुमची राष्ट्रीयता आणि तुमच्या राहण्याच्या कालावधीनुसार वेगवेगळे असू शकते. त्यासाठी, तुम्ही ई-परमिटच्या वेबसाईटला भेट देऊ शकता.

 मग, ‘या’ बेटांना भेट द्यायला विसरू नका

Monika Lonkar –Kumbhar

2–3 minutes

---

Lakshadweep Travel Diaries : लक्षद्वीप हा भारताचा अतिशय सुंदर आणि नयनरम्य केंद्रशासित प्रदेश आहे. या प्रदेशाचे सौंदर्य अनेक पर्यटकांना भुरळ घालते. त्यामुळे, येथे देश-विदेशातील पर्यटकांची नेहमीच गर्दी असते. नुकतीच पंतप्रधान नरेंद्र मोदींनी लक्षद्वीपला भेट दिली होती.

या भेटीदरम्यान मोदींनी लक्षद्वीप येथील समुद्रकिनाऱ्यांवर फेरफटका मारला. त्यांनी समुद्रात डुबकी तर मारलीच शिवाय, स्नॉर्किंगचा आनंद ही मोदींनी लुटला. या वेळी मोदींनी खास फोटोशूट देखील केले होते. हे फोटो त्यांनी सोशल मीडियावर शेअर केले होते.

आज आपण लक्षद्वीपमधील काही सुंदर बेटांबद्दल जाणून घेणार आहोत. जे फिरण्यासाठी बेस्ट आहेत. तुम्ही जर या थंडीत फिरायला जाण्याचा विचार करत असाल तर लक्षद्वीपचा विचार करायला काही हरकत नाही.

मिनिकॉय द्वीप

लक्षद्वीपमधील सुंदर बेटांचा विचार करायचे झाल्यास या मिनिकॉय द्वीपचा उल्लेख सर्वात आधी करावा लागेल. हे बेट येथील स्वच्छ समुद्रकिनाऱ्यांसाठी आणि येथील नयनरम्य नजाऱ्यांसाठी प्रसिद्ध आहे.

मिनिकॉय द्वीप

मिनिकॉय येथील सीफूड अतिशय प्रसिद्ध आहे. जर तुम्ही सीफूडचे शौकिन असाल तर तुम्हाला येथे खाण्यामध्ये विविध प्रकारच्या डिशेस उपलब्ध मिळतील. येथील समुद्रकिनारे आणि रिसॉर्ट्स पर्यटकांना नेहमीच भुरळ घालतात. कपल्समध्ये हे द्वीप अतिशय प्रसिद्ध आहे.

बंगाराम द्वीप

हे द्वीप हिंदी महासागराच्या स्वच्छ आणि निळ्याशार पाण्यात वसलेले असून हे बेट भारतीय आणि विदेशी पर्यटकांमध्ये अतिशय प्रसिदध मानले जाते. सीफूडसोबतच तुम्ही येथील वॉटरस्पोर्टसचा ही आनंद घेऊ शकता.

बंगाराम द्वीप

यामध्ये तुम्ही स्कूबा-डायविंग, स्नॉर्कलिंग, कयाकिंग, खोल समुद्रातील मासेमारी आणि विंडसर्फिंग वॉटर स्पोर्टसचा ही आनंद घेऊ शकता. या बेटावरून नयनरम्य सूर्यास्त आणि सूर्योदय पाहणे ही पर्यटकांसाठी मोठी पर्वणी असते. त्यामुळे, अनेक कपल्स या बेटाला पसंती देतात.

कवरत्ती द्वीप

लक्षद्वीप या केंद्रशासित प्रदेशाची राजधानी म्हणून कवरत्ती द्वीपची खास ओळख आहे. या द्वीपवरील निळेशार पाणी, पांढरी वाळू आणि नयनरम्य नजारे हे पर्यटकांना नेहमीच भुरळ घालतात. त्यामुळे, अनेक कपल्सची या द्वीपला पहिली पसंती असते. येथे स्कूब डायविंग करायला अजिबात विसरू नका.

कवरत्ती द्वीप