गोव्यात महागड्या हॉटेलवर पैसे खर्च करू नका, इथे रहा, निम्म्याहून अधिक पैसे वाचतील

 

Pooja Karande-Kadam

3–4 minutes

---

New Year Tour :  कंटाळा घालवण्याचे ठिकाण म्हणून गोव्याला पर्यटकांनी नेहमीच पसंती मिळते. नव्या वर्षाची पार्टी आणि ख्रिसमसमुळे गोव्याला जाणाऱ्यांची संख्या जास्त असते. गोव्यात इतरवेळी कमी किंमतीत सहज मिळणाऱ्या सोयी-सुविधा वर्ष संपत आल्यावर महाग होतात.   

कारण, नव्या वर्षाच्या स्वागताला गोव्यात विदेशी पर्यटक गर्दी करतात. त्यामुळे खाण्या-पिण्यासह राहण्यासाठीचे हॉटेल्सचे दरही वाढवले जातात. तुम्हीही तुमचा गोव्याला जाण्याचा प्लॅन पूर्ण करणार असाल, तर गोव्यात हॉटेल्समध्ये न राहता अशा काही खास ठिकाणी रहा जिथे कमी पैशात राहण्याची सोय होईल.

गोव्यात काही सरकारी कॉटेज, हॉटेल्स आहेत जे तुम्हाला अगदी रास्त दरात मिळू शकतात. इतर हॉटेल प्रमाणेच इथे सर्व सुखसुविधाही उपलब्ध आहेत. त्यामुळे गोव्याला गेल्यानंतर या जागी राहण्याचा विचार तुम्ही करू शकता.

कोलवा रेसिडेन्सी

साऊथ गोव्यातील लोकप्रिय कोलवा बीचजवळ कोलवा रेसिडेन्सी आहे. हे सरकारी कॉटेज आहे. या हॉटेलमध्ये तुम्ही डबल रूम-स्टँडर्ड, एसी-स्टँडर्ड रूम, एसी स्टँडर्ड रूम या श्रेणींमध्ये रूम बुक करू शकता. हॉटेलमध्ये एकूण 47 खोल्या आहेत.

सरकारी हॉटेल आहे असे समजून या हॉटेलला कमी लेखण्याची चूक करू नका. या हॉटेलमध्ये तुम्हाला कोणत्याही 3 स्टार हॉटेलप्रमाणे सुविधा मिळतील. हॉटेलमध्ये रेस्टॉरंट आणि ओपन गार्डन सुविधा देखील आहेत.

बल रूम-स्टँडर्ड, एसी-स्टँडर्ड रूमचे भाडे - झनमध्ये 2,530-2,970 च्या दरम्यान असते. इतर दिवसांमध्ये, डबल रूम-स्टँडर्ड, AC-स्टँडर्ड रूमचे भाडे 2,300- 2,700 रूपयांच्या दरम्यान असते.

कोलवा रेसिडेन्सी esakal

कलंगुट रेसिडेन्सी

पणजीपासून 16 किमी अंतरावर असलेले कलंगुट रेसिडेन्सी हे गोवा पर्यटनाचे एक हाय स्टँडर्ड हॉटेल आहे. येथे तुम्ही 4 वेगवेगळ्या श्रेणींमध्ये खोल्या बुक करू शकता. या हॉटेलमधील खोल्या डिलक्स सी फ्रंट व्ह्यू, एसी सूट, एसी डिलक्स साइड व्ह्यू आणि एसी डिलक्स कॉटेज श्रेणींमध्ये बुक केल्या जाऊ शकतात.

या हॉटेलमध्ये एकूण 52 खोल्या आहेत. या हॉटेलमध्ये तुम्हाला कोणत्याही 4 स्टार हॉटेलप्रमाणे सुविधा मिळतील. पीक सीझनमध्ये म्हणजेच 23 डिसेंबर ते 1 जानेवारी 2024 दरम्यान, येथील रूमचे भाडे थोडे जास्त आकारले जाईल.

कलंगुट रेसिडेन्सीesakal

मीरामार रेसिडेन्सी

गोव्यातील प्रत्येक हॉटेल सी साईडशिवाय पूर्ण वाटत नाही. तुम्हालाही गोव्यातील एखाद्या हॉटेलमध्ये परवडणाऱ्या किमतीत राहायचे असेल, ज्यामध्ये समुद्राचे विहंगम दृश्य आहे. तर मिरामार रेसिडेन्सी तुमच्यासाठी योग्य आहे.

सकाळी आणि संध्याकाळी समुद्र किनार्‍यावर फेरफटका मारा आणि नेत्रदीपक सूर्योदय किंवा सूर्यास्त पहा किंवा ख्रिसमस आणि नवीन वर्षाच्या बीच पार्टीमध्ये सामील व्हा.

मीरामार रेसिडेन्सीesakal

फार्मगुरी रेसिडेन्सी

फार्मगुरी रेसिडेन्सी फोंडा येथे सर्वत्र हिरवाईने वसलेली आहे. तुम्हाला हवे असल्यास, तुम्ही तुमची ख्रिसमस किंवा नवीन वर्षाची पार्टी या हॉटेलच्या खुल्या लॉनमध्ये ठेवू शकता. हॉटेलमध्ये एकूण 39 खोल्या आहेत.

एसी स्टँडर्ड रूम, डबल रूम-स्टँडर्ड, एसी सूट आणि डॉर्मिटरीमध्ये बेडच्या आधारावर या खोल्या बुक केल्या जाऊ शकतात. हे हॉटेल इतर सर्व हॉटेल्सच्या तुलनेत खूपच स्वस्त आहे. पणजीपासून अवघ्या २६ किमी अंतरावर हे हॉटेल आहे.

वास्को रेसिडेन्सी

तुम्हाला शहराच्या मध्यभागी रहायचे असेल.तर, वास्को रेसिडेन्सी हा उत्कृष्ट पर्याय आहे. तुम्हाला शॉपिंग मॉल किंवा सिनेमा हाऊसमध्ये जायचे असेल, अगदी थोड्या अंतरावर तुम्हाला सर्व काही मिळेल. हॉटेलच्या रेस्टॉरंटमध्ये तुम्ही गोव्याच्या विविध पदार्थांचा आस्वाद घेऊ शकता.

विमानतळापासून जवळ असल्यामुळे, ज्या लोकांना सकाळी लवकर विमान पकडावे लागते ते या हॉटेलमध्ये बुक करतात. हॉटेलमध्ये एकूण 45 खोल्या आहेत ज्या डबल रूम-स्टँडर्ड आणि एसी स्टँडर्ड रूम श्रेणींमध्ये बुक केल्या जाऊ शकतात.